MTR的無理師奶...

我想開口鬧呢啲人好耐架喇...今日終於有機會...

事源本人由TST搭MTR嘅荃灣線...weekend呀...MTR入面何等多人&迫呀...有位肥師奶以佢嘅虎背熊腰雄霸條扶手...佢唔算太高...其他人(都成6-7個)都勉強可以扶住佢頭部以上嘅位置...有位媽媽(帶住佢個應該係讀小學P1嘅囡囡)開始同肥師奶嘈起嚟...緊係話佢"牙"住晒條handrail啦...個媽媽講咩唔係好聽得清楚...因為佢都好斯文嘅...不過係講緊道理...

而位肥師奶講嘅嘢攪到我好興...(節錄)...我有權"埃"...唔關你事...唔到你管...而家係你唔啱...你咁冇修養咁冇家教..."晒"咗你...其他人都扶到啦...你睇吓...細路扶唔到就另外搵嘢扶...你問吓人係邊個唔啱...

鬧咗成2-3個站...仲要越鬧越大聲...好似真係佢啱晒咁...個媽媽又唔係好識還擊...我真係頂唔住...喺佢大聲又指手畫腳咁話: 你問吓其他人邊個唔啱...我就行前幾步過去...喺佢面前大聲咁高呼: 緊係你唔啱啦...仲咁大聲鬧...咩叫扶手呀...我都未講完...又有3-4個男女聲援...yeah yeah...佢面色劇變...驚到即刻落車(可能真係佢嘅目的地)...而我又係落車...以佢嘅噸位行到好似9秒9咁快上電梯...9秒9咁出閘...

呢啲人真係好討厭...