gie
18 May 2009
又食又睇
人哋跳得開心...我睇得仲開心...投入程度有如睇戲...
食又可以食豪啲...食翅...燒鵝...不能盡錄...
唔可以明笑...如果唔係就會"輸晒"...
見到: 阿寶與may...玉男&閃hip...乾衣機...愛撥頭髮...雙飛...
晚舞@黃大仙新光
13 May 2009
年輕人...加油呀
banana chocolate waffle + ice cream...個樣好得...waffle都好香...
最似chocolux嘅molten chocolate cake...好好...但都係chocolux好啲...
sugar dessert house - tst嘉蘭圍3號嘉麗大廈地下G2舖 (即利時後面)
11 May 2009
層層行
山長水遠入去鴨脷洲呢幢大廈睇吓有冇家具嘢啱...
成個水牌都係傢俬家具舖...由28/F續層行番落嚟...
點知"唔覺意"入咗lane crawford warehouse...又"唔覺意"睇中咗個garcons袋...$2000變$600...
擾攘到最後都係當自己冇見過個袋...
因為仲有好多必須要買嘅嘢等緊我...
鐵板燒
同好友喺新居附近食晚飯...
鐵板"芝芝咋咋"...
成晚都忙住塊鐵板不斷估...係咪俾我哋呢係咪俾我哋呢...???
一本日本料理 - 紅磡蕪湖街28-30號地舖
04 May 2009
Angels & Demons
日以繼夜書不離手...睇完...
睇頭嗰幾個chapters已經心唸......嘩...格式咁似da vinci code嘅...
好彩...繼續睇...都有分別嘅...
比da vinci code緊湊...但係扭橋方法都係差唔多啦...
最尾嗰幾幕...有啲誇啦...真係miracle囉...
據上次經驗...電影比小說差好多...
希望今次有改進啦...
30 April 2009
好趕
突然知道套戲14/5上畫...
即刻嗱嗱臨搵番本書出嚟...
刨咗書先去睇戲...
本書買咗年幾...都已經唔知擺咗去邊...
用咗半個鐘時間先搵到...
係...我屋企"大"到唔知啲嘢塞咗去邊處...
開"行"turbo睇呀睇...
29 April 2009
backdate: 23/4 古巨基 eye fever
雖然病重...
但係演唱會一開始...仍然可以進入瘋狂狀態...
聲沙喉嚨痛都仍然可以尖叫...
坐側邊第7行...我係嗰一帶座位之中第一個發現古巨基喺高空crystal ball上面而大叫嘅一個...笑...
呢part舊快歌環節...呢身造型+舞步...真係笑到唔停...
唸起music & lyrics入面嘅hugh grant當紅年代嘅懷舊款...
但係好笑得嚟...效果都幾好...
嘉賓...居然係laughing哥...
全場再陷入失控狀態...合唱一隻歌再solo唱一隻...
不得不佩服無線捧紅藝員嘅能力...
古巨基...當然全晚都唱得好好好好...
個人認為...好睇過上一次...
時間過得好快...
完場之後...好似虛脫咁...企都企唔穩...
backdate: 23/4 好險
原來...病...真係可以病傻...
23/4放假...一來唸住夜晚可以輕輕鬆鬆去睇古巨基演唱會...
而另一任務係朝早打電話去換拉闊門票...方大同 X 張敬軒...
但係之前一晚最後都真係病重...攪到差啲唔識起身打電話...
下晝去7-11買支水飲...發夢地攞咗支水就唸住擺落袋...
好彩即刻被身旁人喝止...如果唔係就大件事...
原來真係會有唔小心高買...
03 March 2009
請做好一年前準備
突然間所有事都進行得如火如荼...
身為數字白痴...而家滿腦子都係數字...
我只可以記死數...加減乘除我都攪唔掂...
雖然已經依照本人慣常做法..."唔該簡單啲" + 速戰速決...
但係都仲有咁多嘢待處理待決定...玩咩......!!!
31 December 2008
it's time to......
wave goodbye to 2008~~~
HAVE A WONDERFUL 2009~~~
29 October 2008
我的超人男友
帶病去睇...
事先已經知道唔係全智賢嗰類"我的xx"或"野蠻xx"系列...
但都當然有可取之處...
發現原來自己出嚟社會做嘢之後都真係變咗...
15 April 2008
校訓
呢道嘅校訓係︰
"唔係即刻...不過儘快..."
06 December 2007
四洲集團周杰倫 07-08 世界巡迴演唱會 - 香港站
可能因為場地所限...(三面台&個台勁細)...
冇佢啲台灣concert咁震撼...(我都係睇dvd睇番嚟)...
可以話冇咩驚喜...但係都已經叫破喉嚨...
最驚喜只係廣東話歌時間...同我喜好一樣...係溏心風暴嘅"講不出聲"...
p.s. 啲煙火效果好明顯唔適合用於紅館...險些兒焗到咳...
05 December 2007
驚
令人瘋癲嘅十二月又到...
除咗之前所講嘅聖誕歌...
今年嘅十二月真係會忙得恐怖...
在下身處嘅行業將會忙到令人窒息...
再加...(以下只係簡述schedule...)
1 & 2 dec: 2日1夜廣州實習
5 dec: 下晝實習 + 周杰倫concert
8 dec: 全日實習
15 dec: 全日深圳實習
*注: 中間時間依舊要星期二四五上堂
25 & 26 dec: 仍要返工
28 dec: exam (傷寒論)
3 jan: exam (溫病學)
8 jan: exam (傳染病學)
請教我如果善用每日24小時...
21 November 2007
時晨又到
一出街...尤其係去商場...
又係時候開始俾一系列聖誕歌攻陷我個腦...
11 October 2007
rIgHt
"如果想去做一件事...會搵一個方法..."
"如果唔想去做一件事...會搵一個藉口..."
from a GM...
08 October 2007
《色‧戒》
熱切期待地去睇...
不負所望...
梁朝偉...真係意想不到...好得...
湯唯...做到女主角個feel...其他就......
李安...獎係值得攞嘅...
完全唔覺得套戲咁長...
睇完...又係覺得個心"un"住"un"住...
P.S. 個人認為敗筆係錢嘉樂...
哈囉喂 @ OCEAN PARK
海洋公園開始有"哈囉喂"咁耐就講咗咁耐要去...
終於買咗"至尊門票"...盛惠$325...
的而且確係快啲可以入去嘅...明正言順打尖...
最抵係可以玩埋其他機動嘢...我始終都係鍾情呢啲多啲...即刻覺得"so"咗...
入番正題...
正常嘅我係應該唔會驚入面嘅嘢...因為明知係假嘅...
但係唔知點解...去到就好似失控咁...係咁叫...係咁驚到暴走...變咗我似精神病人發癲多啲...
可能嗰啲恐怖嘢"哄"得太埋喇...遠啲距離我就唔會驚...
唔......去過就算喇...一次夠喇...
30 September 2007
流血事件...!!!
今朝仲係暈吓暈吓...
一吓勁嘅咁成個頭撞咗落吊柜個角道...
耳仔一陣劇痛...咪搵隻手去摸吓摸吓...
點知一睇...已經成手血...
好彩媽媽喺屋企...大叫求救...
拿拿聲搵黃藥水&棉花止血...但係啲血已經滴到落件衫道...
媽媽仲要加句︰"流好多血喎!!!"...俾佢呢句說話嚇死...
最好笑嘅係...媽媽趕唔切帶老花眼鏡...佢根本就唔知exactly個傷口喺邊...我又睇唔到兼又嚇到更加暈...佢總之見血就搵黃藥水棉花勁壓...
擾攘咗好耐先知原來係耳上角撞崩咗...
明明眼瞓都痛到精神...下晝先瞓得番...
好啦...臨夜換衫出街啦...
又俾衣柜門角界傷大腿...
救命呀...我幾時先暈完...
19 September 2007
918 後感
多謝多謝多謝多謝多謝!!!!!
多謝多謝多謝多謝多謝!!!!!
Newer Posts
Older Posts
Home
Subscribe to:
Posts (Atom)